besoedelstofkonsentrasies volgens ’n bestendige gausspluimmodel

’n Rekenaarprogram wat lugbesoedelstofkonsentrasies in die omgewing van ’n hoëvlakpuntbron beraam, word beskryf. Die program is bedoel om in siftingstoepassings gebruik te word, dit wil sê toepassings waar ’n aantal situasies vinnig ondersoek moet word om moontlike knelpunte te identifiseer. Die program gebruik ’n bestendige Gausspluimmodel en is met ’n aantal uitsonderings op Turner se handleiding gebaseer. Dit kan konsentrasies bereken in gewone adveksie-diffusiegevalle, d.w.s. gevalle met ’n baie hoë menglaag, asook in gevalle waar verstikking of veelvuldige weerkaatsings plaasvind. Die benodigde stabiliteitsklasse word bepaal met ’n skema wat vir Hoëveldtoestande geld. Sowel die pluimstyging as die pluimspreiding word bereken met formules wat Briggs opgestel het. Die effek van topografie op die pluimtrajek word op ’n elementêre manier in ag geneem.